Ngā Kaupapa
TE PUNA O TE KÏ
Tū ai tēnei hui wānanga, a Te Puna o te Kī, ia rua tau, ko te reo Māori te reo o ngā kauwhau me ngā kōrerorero. Whakarewa ai tēnei kaupapa motuhake i te tau 2013. Ko Te Puna o te Kī tētahi kaupapa e tautoko ana i te whakaaro kia tau ai te reo Māori i ngā wahi katoa, i ngā horopaki katoa. He huarahi tēnei e taea ai e ngā kairangahau ki te tuku i ā rātou kōrero ki roto pū i te reo Māori ahakoa tō rātou kaupapa.
I tutuki pai te hui o te tau 2019, inā koia te hui tuatahi i wehe i te whare wānanga ka tū ai ki waenga o te iwi. I te tau 2022 ka whakahaere te hui ki runga i te ipurangi, hei hiki i ngā uauatanga o te haere ā-tinana o te minenga i te wā o te mate urutā. Ki te hiahia mātaki i ngā kauwhau nō ngā hui o mua (x5), tēnā peka atu ki te pae TiriAta o Te Ipukarea, kei reira ngā ataata katoa e iri mai ana.
Ki te hiahia koe, tiki ake ngā kohinga kōrero i whakaputaina ki ngā hui o mua mā ngā hono ipurangi e rārangi ake nei:
Te Puna o te Kī 2013 (Ngā Tuhinga Whakarāpopoto)
Te Puna o te Kī 2015 (He kohinga kōrero)
Te Puna o te Kī 2017 (Ngā Tuhinga Whakarāpopoto)